ابني اتجوز من أسبوعين، وعروسته سابت البيت ج1

» رد عليا وهو بيعيط: «يا ماما، أبوها قال لي إن دي إجراءات عادية، وإن كل العرسان بيمضوا كده، وأنا كنت عايز أتجوز وأخلص، ومكنتش متخيل إننا هنوصل لكده.» قلت له: «طب والـ١٠٠ جرام دهب دول؟ إنت استلمتهم؟» سكت شوية، وبعدها قال: «لا يا ماما، أنا اللي اشتريته كان الشبكة بس، لكن القائمة اتكتبت بالشكل ده علشان أبوها كان شايف إن الشبكة قليلة.

»حطيت إيدي على رأسي وقلت: «يا ابني، إزاي تمضي على حاجة بالحجم ده من غير ما تستشير حد؟!» قال لي: «خلاص يا ماما، اللي حصل حصل، أنا دلوقتي خايف أتحبس، ومش عارف أعمل إيه.» بعدها بأيام، بدأنا نسمع عن إجراءات قانونية ومطالبة بالقائمة، وابني بقى مرعوب، وسافر يقعد عند أختي بعيد عن المشاكل. وكل يوم كنت بكلمه وأقوله: «إهدى يا حبيبي، هنشوف محامي وهنفهم حقك من حقهم، ومش هنظلــ,,ـــــم حد.

» لحد ما ظهر محامي وقال لنا إن فيه إمكانية للتسوية، وإن أهل العروسة ممكن يستلموا العفش بالتراضي، وبالنسبة للدهب المكتوب في القائمة، نعمل إقرار بمبلغ ٦٠٠ ألف جنيه يتدفع على أقساط، مقابل التنازل عن الإجراءات. أنا قلبي وقع في رجلي. قلت للمحامي: «يعني ابني هيمضي على ٦٠٠ ألف جنيه كمان؟ طب ما هو أصلًا مضى على قائمة بـ٧٠٠ ألف! إزاي نضمن إننا مش هنورطه أكتر؟

» قال لي: «يا حاجة، لازم نشوف الأوراق الأول، وأي تسوية لازم تبقى واضحة ومكتوبة ومضمونة قانونيًا.» قلت له: «أنا مش عايزة أضيع حق البنت، لكن كمان مش عايزة ابني يشيل فوق طاقته، خصوصًا إننا مش معانا المبلغ ده.» المحامي قال: «يبقى محدش يمضي على أي حاجة قبل ما محامي متخصص يراجع القائمة وكل المستندات ويحدد الموقف القانوني.

» وقتها حسيت إني أخيرًا لقيت حد بيتكلم بعقل، لكن اللي حصل بعدها بيومين كان أكبر من كل اللي فات! كنت قاعدة في شقتي، وفجأة ابني الكبير دخل عليا وهو ماسك موبايله، ووشه أصفر. قلت له: «مالك يا ابني؟ إيه اللي حصل؟» قال لي: «يا ماما، إحنا لازم نعرف الحقيقة كلها قبل ما أخويا يمضي أي ورقة.

» قلت له: «حقيقة إيه؟ هو فيه مصيبة تانية؟» قعد جنبي وقال: «أنا كنت بحاول أوصل لحد من معارف أهل العروسة علشان أفهم سبب استعجالهم في الطلاق، وليه موضوع القائمة بقى أهم من أي محاولة للصلح.» قلت له: «وبعدين؟» قال: «فيه واحدة من قرايبهم كلمتني، وقالت لي إن العروسة كانت بتعيط من قبل الفرح، وإنها كانت رافضة حاجة حصلت أثناء تجهيزات الجواز، لكن محدش كان بيسمع كلامها.

» أنا اتصدمت وقلت: «إيه الحاجة دي؟ وإزاي محدش قال لنا؟» ابني رد: «هي مش عايزة تحكي لحد، لكن القريبة دي قالت لي إن فيه سر متعلق بليلة الفرح، وإن أم العروسة وخالتها عارفين تفاصيل إحنا ما نعرفهاش.» حسيت إن قلبي هيقف. قلت له: «يعني إيه سر؟ هو ابني عمل لها حاجة؟ ولا حصل موقف إحنا مش فاهمينه؟» قال: «مش عارف يا ماما، ومش عايز أتهم حد من غير دليل.